गजल

चोर्न मिले चोर्थे मैले, मनपरेको तिम्रो मनलाई
आफ्नैसँग राख्थे मैले, मनपरेको तिम्रो मनलाई

माया गर्न नजान्या कि, नजानेझै गरेको हो
माया गर्न सिकाउथेँ मैले, मनपरेको तिम्रो मनलाई

बोलाउन खोज्दा पनि, नसुनेझै हिंड्या थ्यौ नि
गल्ती सुधार्न लाउथे मैले, मनपरेको तिम्रो मनलाई

मायाको बीउ रोपिदिन्थे, उर्वर तिम्रो मनको भुइमा
मल जल गराउथे मैले, मन परेको तिम्रो मनलाई

पूरा गर्न लागिपर्थे, तिम्ले लुकाका चाहनाहरु
सधै खुसी राख्थे मैले, मनपरेको तिम्रो मनलाई

antibody बनाउथे, रिसको antigen पत्ता लगाई
रिसाउँदा त्यै दिन्थे मैले, मनपरेको तिम्रो मनलाई

चोर्न मिले चोर्थे मैले, मनपरेको तिम्रो मनलाई
आफ्नैसँग राख्थे मैले, मनपरेको तिम्रो मनलाई