" प्रत्यक्षदर्शी एउटा अनुपम लडाइँको, प्रत्यक्षदर्शी एउटा अनुपम घम्साघम्सीको "

आकाश आज,
हिजो अस्ति जस्तो
धुम्म परेर रिसाएको छैन
कालो मडारिएको बादल
त्यो पनि त छैन नि आज
कुइरो र तुवाँलोले छेक्याछैन
बरु,
कुनै कमसल मिसावट रहित
बिशुद्द निलो रङले पोतिएको छ
आकाश साच्चिकै आकाशझै छ
सुर्य उबेलाझै तेजिलो देखिन्छ
तरपनी अझै,
जिउ पुरै तातिन धौ धौ छ
चिसो हावा बहन बिर्सेको छैन
मुटु कपाउन पनि बिर्सेको छैन
लाग्छ,
जाडो र गर्मीका बिच
घमासान लडाई चलिरहेछ
कहिले को जितिरहेछ
कहिले को हारिरहेछ
र म प्रत्यक्षदर्शी बनिरहेछु
एउटा अनुपम लडाइँको
एउटा अनुपम घम्साघम्सीको।।