" हाई हाई निद्रा "

हो म ओछ्यानमा पल्टिन्छु
अनि एकछिनमा आँखा चिम्लन्छु
आँखा चिम्लिरहेकै हुन्छु
बस पल्टिरहेकै मात्र हुन्छु
थकानले लखतरान हुदा पनि
थकानको थ नहुदा झन के हुनु
जे जस्तो जुनसुकै अवस्थामा पनि
आँखा चिम्लिरहेको नाटक मात्र
पल्टिरहेको नाटक पात्र मात्र
हो निद्राको ठुलो भोक छ मलाई
सायद कुनै ठुलो शोक छ मलाई
हाई निद्रा
हाई निद्रा
हाई हाई निद्रा।।

धेरै समय बितिसकेको छ
यस्तो नाटक गर्दै आएको
जीवनको यत्रो कालखण्ड
यसैमा हो ब्यतित गरेको
हो म पोख्त नाटककार भैसके
नाटक निर्देशनको काम देओस
त्यो नि मजाले गरिन्छ अब
मलाई सोध निद्रा के थियो के थिएन
मलाई सोध निद्रा के हो के होइन
हो निद्राको ठुलै भोक छ मलाई
सायद कुनै ठुलै शोक छ मलाई
हाई निद्रा
हाई निद्रा
हाई हाई निद्रा।।